مشرع عن العلب الكرتونية أو علب الشوكلاته

طيب اليوم حابي أتكلم عن مشروع لقيت كم زول بسال عن العلب الكرتونية أو علب الشوكلاته .. (مرفق صور ) . لقيت أغلب الناس بتكلمو عن (ياخ جيبيها من مصر واحد قال من السعودية والتاني يوصي بالصين .. ) نحن حنكون لي متين شعب مستهلك .. الموضوع بسيط وممكن يتعمل وممكن يكون مشروع ويكبر ونحن نصدر أن شاء الله .



طيب حنتكلم عن الPerfect binding أو التجليد الفني للعلب الكرتونية (علب الشوكلاته ، علب الهدايا ، الاكسسوارات ) .

نحن نقسم الشغل ده لي 3 مراحل مرحله ممكن نسميها #ابتدائية ودي لي زول عاوز يغلف شغلو الخاص بيهو

#مرحلة_ثانوية ودي ممكن تكون لي زول عاوز يشتغل للسوق بي إمكانيات بسيطة

#مرحلة_احترافية ودي لي زول عاوز يشتغل شغل تجاري كبير وامكانياتو كبيره

طيب عشان اعمل علبة كرتونية محتاج لي شنو ؟

ورق بورد Board Paper وده موجود في السوق وممكن الناس تشتريهو بالشيت sheet

مقص يدوي أو مشرط و مسطرة (نحن هنا بتكلم عن ناس #المرحلة_الابتدائية . )

الورق المقوي بكون قاعدة للشغل دائما وبعد داك نلف حولو ورق التزيين (مرفق فيديو ) ... ملحوظة (موسيقي خلفيه عالية للفيديو )
طيب بالنسبة للورق الخارجي ممكن نستعمل ورق آرت لامع Art glossy ده موجود في كل المطابع وممكن يتباع برضو بالشيت (مقاس الشيت عادة بجي 70x100 ) سم
بالنسبة لعلب الاكسسوارات حنستعمل اسفنج (نفس بتاع المراتب) .
طيب لمن نمشي نشتري الورق نسأل ناس المطابع كالتي :
عاوزين ورق بورد أو هم بسموهو Gray Board نطلب مقاس 400 جرام
وورق آرت لامع جرامات فوق ال100 جرام . الحاجه دي ممكن ما تكلف معانا 20 جنيه